ഒറ്റപ്പാലം: പത്തു കിലോയിലധികം കഞ്ചാവുമായി ഒറ്റപ്പാലം റെയിൽവേ സ്റ്റേഷനിൽ വന്നിറങ്ങിയ രണ്ടു ബംഗാൾ സ്വദേശികളെ എക്സൈസ് സംഘം പിടികൂടി. കഞ്ചാവുമായി ഇതരസംസ്ഥാന തൊഴിലാളികൾ എത്തുന്നുണ്ടെന്ന രഹസ്യവിവരത്തെ തുടർന്ന് റെയിൽവെ സ്റ്റേഷൻ കവാടത്തിൽ എക്സൈസ് സംഘം നടത്തിയ പരിശോധനയിലാണ് റാഹിദ്ദുൽ മണ്ഡൽ, ജുവൽ എന്നിവരെ പിടികൂടിയത്.
കയ്യിലിരുന്ന ബാഗിൽ വസ്ത്രങ്ങളാണെന്ന് പറഞ്ഞു തുറക്കാൻ വിസമ്മതിച്ചെങ്കിലും എക്സൈസ് നിർബന്ധപൂർവ്വം ബാഗ് തുറന്നു പരിശോധിക്കുകയായിരുന്നു. സംശയം തോന്നിയ മുഴുവൻ യാത്രക്കാരുടെയും ബാഗുകൾ പരിശോധിച്ചിരുന്നു. ഒറ്റപ്പാലത്തെ ഇതരസംസ്ഥാന തൊഴിലാളികൾക്കിടയിൽ വിൽക്കുന്നതിനു വേണ്ടി ഒഡീഷയിൽ നിന്നുമാണ് കഞ്ചാവ് കൊണ്ടുവന്നത്