ഇടുക്കി: ലക്ഷങ്ങളുടെ നാശനഷ്ടം ഉണ്ടാക്കി ഇടുക്കി ശാന്തൻപാറക്കടുത്ത് പൂപ്പാറയിൽ പിവിസി പൈപ്പുകൾ കത്തി നശിച്ചു. പൂപ്പാറ വില്ലേജ് ഓഫിസിനു സമീപത്ത് ജൽജീവൻ മിഷന്റെ പ്രവർത്തനങ്ങൾക്കായി എത്തിച്ചിരുന്ന പൈപ്പുകള്‍ക്കാണ് തീ പിടിച്ചത്. തീ പടരാനുള്ള കാരണം വ്യക്തമല്ല. തീപിടുത്തത്തെ തുടർന്ന് പ്രദേശമാകെ കറുത്തിരുണ്ട പുകപടലങ്ങൾ വ്യാപിച്ചിരുന്നു.
പ്രദേശവാസികളുടെ മുൻകരുതൽ മൂലം സമീപത്തേക്ക് തീ പടർന്നു പിടിക്കുന്നത് തടയുവാൻ സാധിച്ചു. മൂന്നാർ , നെടുങ്കണ്ടം യൂണിറ്റുകളിൽ നിന്നും എത്തിയ ഫയർ ഫോഴ്‌സ് സംഘമാണ് തീ നിയന്ത്രണ വിധേയമാക്കിയത്.