കോതമംഗലം: റോഡ് പണിയിലെ ചില അവസ്ഥകൾ അപകടം വരുത്തി വയ്ക്കുന്നതാണെങ്കിലും അവ കാണുമ്പോൾ കാഴ്ചക്കാർക്ക് ചിരിയാണ് വരുന്നത്. അത്തരമൊരു സംഭവമാണ് കോതമംഗലം എം.എ.കോളേജ് ജംഗ്ഷനിലുള്ള ടാറിങ്ങിന്റെ ചിത്രം സൂചിപ്പിക്കുന്നത്.
റോഡരികിലെ കാനയോട് ചേർന്ന് ചെയ്തുവന്നിരുന്ന ടാറിങ് എം.എ.കോളേജ് ജംഗ്ഷനിലെ വളവിൽ സ്ഥിതി ചെയ്യുന്ന പോസ്റ്റിനു സമീപം എത്തുമ്പോൾ അല്പം മാറി പോകുന്നതാണ് ചിത്രത്തിലുള്ളത്. റോഡ് നവീകരണത്തോടെ അനുബന്ധിച്ചുള്ള ഈയൊരു ടാറിങ് ജോലി ഏറെ ചിരിപ്പിക്കുന്നതാണ്, ഒപ്പം അപകടം ക്ഷണിച്ചു വരുത്തുന്നതും.