തൊടുപുഴ: ബുധനാഴ്ച രാവിലെയാണ് തൊടുപുഴ വെസ്റ്റ് കോടികുളം ഐരാമ്പിള്ളിയില്‍ സ്‌കൂള്‍ കുട്ടിയെ തട്ടിക്കൊണ്ടു പോകാനുള്ള ശ്രമം നടന്നത്. കാറിലെത്തിയ മൂന്നംഗ സംഘം സ്കൂളിലേക്കു പോവുകയായിരുന്ന കുട്ടിയുടെ സമീപം വാഹനം നിർത്തുകയും, നിലത്തേക്ക് ഇട്ട മിഠായി എടുത്തു നല്‍കാൻ ആവശ്യപ്പെടുകയും ചെയ്തു. എന്നാൽ പെട്ടെന്നുണ്ടായ സംഭവത്തിൽ ഭയന്ന കുട്ടി ഓടുകയും, സമീപത്തെ വീട്ടിലേക്ക് കയറുകയുമായിരുന്നു.
വീട്ടുകാരോട് കാര്യങ്ങൾ പറയുമ്പോഴേക്കും കാറിൽ വന്നവർ രക്ഷപ്പെട്ടിരുന്നു. ഏതാനും ദിവസങ്ങള്‍ക്കു മുന്‍പ് കോടികുളത്തും, തെന്നത്തൂരും സമാനമായ സംഭവം ഉണ്ടായതായി പറയുന്നുണ്ട്. സംഭവത്തെ കുറിച്ച് ജനപ്രതിനിധികളെ അറിയിക്കുകയും പോലീസിൽ പരാതി നൽകുകയും ചെയ്തിട്ടുണ്ട്.