കോതമംഗലം: തിങ്കളാഴ്ച വൈകിട്ട് എട്ട് മണിയോടെയാണ് കോതമംഗലം പോലീസ് സ്റ്റേഷനു മുന്നിലെ റിലയൻസ് സൂപ്പർ മാർക്കറ്റിലേക്ക് കാർ ഇടിച്ചു കയറി അപകടമുണ്ടായത്. പോലീസ് സ്റ്റേഷനു സമീപത്തുള്ള മെഡിക്കൽ സ്റ്റോറിൽ എത്തിയ പെരുമറ്റം സ്വദേശിയുടെ കാറാണ് അപകടത്തിൽ പെട്ടത്.
ഡ്രൈവർ മരുന്നു വാങ്ങാൻ പോയ സമയം തനിയെ പുറകോട്ടു സഞ്ചരിച്ച കാർ തിരക്കേറിയ റോഡ് ക്രോസ് ചെയ്ത് വഴിയരികിൽ പാർക്ക് ചെയ്തിരുന്ന ഒരു സ്കൂട്ടറും ഇടിച്ച് തെറിപ്പിച്ചാണ് അമ്പതു മീറ്ററോളം ദൂരെയുള്ള റിലയൻസ് സൂപ്പർ മാർക്കറ്റിന്റെ ഗ്ലാസ് ഡോറിൽ ഇടിച്ച് നിന്നത്. റോഡിലും, സൂപ്പർ മാർക്കറ്റിലും തിരക്കേറിയ സമയമായിട്ടും അത്ഭുതകരവും, അവിശ്വസനീയമായ രീതിയിലാണ് ആളപായങ്ങളും മറ്റുമുണ്ടാകാതെ വാഹനം അപകടമുണ്ടാക്കിയത്. ഹാന്റ് ബ്രേക്ക് ഇടാതിരുന്നതാണ് അപകടകാരണം.