പ്രായപൂർത്തിയാകാത്ത പെണ്‍കുട്ടിയെ വീട്ടില്‍ അതിക്രമിച്ച്‌ കയറി പീഡിപ്പിച്ച കന്യാകുമാരി സ്വദേശിയെ പോലീസ് അറസ്റ്റ് ചെയ്തു. വിളവൻകോട് പളുകല്‍ മത്തമ്ബാല ഗീത സദനത്തില്‍ പ്രണവിനെ(22) ആണ് വലിയതുറ പോലീസ് പിടികൂടിയത്. സോഷ്യല്‍ മീഡിയയിലൂടെ പതിനാറുകാരിയെ പരിചയപ്പെട്ട യുവാവ് പിൻതുടർന്ന് ശല്യപെടുത്തിയിരുന്നതായും തുടർന്നാണ് വീട്ടിലെ ഒന്നാം നിലയില്‍ അതിക്രമിച്ച്‌ കയറി പെണ്‍കുട്ടിയെ പീഡിപ്പിക്കുകയായിരുന്നുവെന്നും പോലീസ് അറിയിച്ചു.
വീട്ടുകാർ നല്‍കിയ പരാതിയെ തുടർന്ന് പ്രതിയെ അറസ്റ്റുചെയ്യുകയായിരുന്നു. എസ്.എച്ച്‌.ഒ. അശോക കുമാർ, എസ്.ഐ.മാരായ ശ്യാമകുമാരി, ട്വിങ്കിള്‍ ശശി, സി.പി.ഒ.മാരായ ശ്രീജിത്, ശിബി എന്നിവരാണ് പ്രതിയെ അറസ്റ്റുചെയ്തത്.
കോടതിയില്‍ ഹാജരാക്കിയ പ്രതിയെ റിമാൻഡ് ചെയ്തു