ഇടുക്കി: പത്താം ക്ലാസ്സ് വിദ്യാർഥിനിക്കു നേരെ ലൈംഗികാതിക്രമം കാണിച്ച യുവാവിനെ പോലീസ് അറസ്റ്റ് ചെയ്തു. വണ്ടിപ്പെരിയാർ തങ്കമല സ്വദേശി ജോൺ ഗണേശനാണ് പോലീസ് കസ്റ്റഡിയിലായത്. കഴിഞ്ഞ ക്രിസ്തുമസ് തലേന്ന് രാത്രിയിൽ ബന്ധുക്കൾക്കൊപ്പം പള്ളിയിൽ പോയി മടങ്ങിയ പെൺകുട്ടി ഒറ്റപ്പെട്ടു പോയിരുന്നു. ആ സമയം വീടെത്താൻ സഹായിക്കാമെന്ന് പറഞ്ഞു കൂടെ കൂടിയ പ്രതി വഴിമധ്യേ പെൺകുട്ടിയെ ശാരീരികമായി ഉപദ്രവിക്കാൻ ശ്രമിക്കുകയായിരുന്നു.
ഭയന്നു പോയ പെൺകുട്ടി സ്കൂളിലും മറ്റും പോകാതെയിരുന്നതിനെ തുടർന്ന് നടത്തിയ കൗൺസിലിങ്ങിലാണ് സംഭവം പുറത്തറിഞ്ഞത്. പെൺകുട്ടി പിന്നോക്ക വിഭാഗമായതിനാൽ എസ്.സി.എസ്.ടി, പോക്സോ നിയമപ്രകാരമാണ് കേസെടുത്തിട്ടുള്ളത്. പീരുമേട് ഡിവൈഎസ്പി വിശാൽ ജോൺസനാണ് അന്വേഷണച്ചുമതല. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തിട്ടുണ്ട്.