തിരുവനന്തപുരം : പത്മശ്രീ ലഭിച്ച തിരുവിതാംകൂർരാജകുടുംബാംഗം അശ്വതി തിരുനാൾ ഗൗരി ലക്ഷ്മിഭായ് തമ്പുരാട്ടിയെപ്രേംനസീർ സുഹൃത് സമിതി ആദരിച്ചു.കവടിയാർ കൊട്ടാരത്തിൽ നടന്ന ചടങ്ങിൽ സമിതിയുടെ വകയായ പൊന്നാടയും ഉപഹാരവും ഉദയസമുദ്ര ഹോട്ടൽ ഗ്രൂപ്പ് സി.എം.ഡി ചെങ്കൽ രാജശേഖരൻ നായർ സമർപ്പിച്ചു.
ഡോ: വാഴമുട്ടം ചന്ദ്രബാബു ആലപിച്ച സ്വാതിതിരുനാൾ കൃതിയായ “പത്മനാഭ പാഹി ദ്വീപ പാസാര….” എന്ന കീർത്തനത്തോടെയായിരുന്നു ചടങ്ങ് ആരംഭിച്ചത്. സമിതി ഭാരവാഹികളായ തെക്കൻ സ്റ്റാർ ബാദുഷ, പനച്ചമൂട് ഷാജഹാൻ, സോമനാഥൻ , റഹിം പനവൂർ, മുരളീധരൻ ,ജയകുമാരി, അഡ്വ. ഫസിഹ, ഗോപിനാഥ് തമലം, സുഗത ജയചന്ദ്രൻ , കലാദേവി, വിമൽ സ്റ്റീഫൻ എന്നിവർ തമ്പുരാട്ടിക്ക് പൊന്നാട ചാർത്തി.നിത്യഹരിത നായകൻ പ്രേനസീറിനെ തമ്പുരാട്ടി അനുസ്മരിച്ചു.