വിവേകാനന്ദ ജയന്തിയോടനുബന്ധമായി ആറ്റുവ വിവേകാനന്ദാ വിദ്യാപീഠവും നെഹറു യുവകേന്ദ്ര ആലപ്പുഴയും ചേർന്ന് വിവേകാനന്ദാ ജയന്തി ആഘോഷിച്ചു. ജയന്തി ആഘോഷങ്ങൾ സെൻട്രൽ ഗവൺമെന്റ് അഡീഷണൽ സ്റ്റാൻഡിങ്ങ് കോൺസുലറും നൂറനാട് ഗ്രാമപഞ്ചായത്ത് അംഗവുമായ അഡ്വ. കെ.കെ അനൂപ് ഉദ്ഘാടനം ചെയ്തു. പുതിയ ലോകത്തിന്റെ പുനർ നിർമ്മാണ പ്രക്രിയയുടെ ഭാഗമാണ് നടക്കുന്നത് എന്നും അതിൽ ഭാരതത്തിന്റെ പങ്ക് നിർണ്ണായകമാണെന്നും അദ്ദേഹം പറഞ്ഞു.
ദേശീയ യുവജന വാരാചരണത്തിന്റെ ഭാഗമായി നാസിക്കിൽ നടക്കുന്ന ദേശീയ യൂത്ത് കൺവൻഷനോടനുബന്ധമായി പ്രധാനമന്ത്രി നരേന്ദ്ര മോഡി കുട്ടികളോട് ലൈവ് സ്ട്രീമിംഗിലൂടെ സംസാരിച്ചു. സ്കൂൾ പ്രിൻസിപ്പാൾ ആർ.ശാന്തകുമാറിന്റെ അധ്യക്ഷതയിൽ കൂടിയ യോഗത്തിൽ വിദ്യാലയ സമിതി സെക്രട്ടറി ടി.വി. വിശ്വംഭരൻ മുഖ്യ പ്രഭാഷണം നടത്തി. നെഹറു യുവകേന്ദ്ര വോളന്റിയർ ശ്രീരാജ് ക്ലാസുകൾ നയിച്ചു. അധ്യാപകരായ ശ്രീജ , വിമല ,നീതു എന്നിവർ പ്രസംഗിച്ചു. ഉദ്ഘാടന സഭക്ക് ശേഷം കുട്ടികളുടെ കൾച്ചറൽ പ്രോഗ്രാം നടന്നു.