വൈക്കത്ത് നിന്ന് ഗോവയില്‍ ന്യൂ ഇയര്‍ ആഘോഷിക്കാൻ പോയ 19കാരനെ കാണാനില്ല. കുലശേഖരമംഗലം സ്വദേശി സഞ്ജയെ ആണ് ന്യൂഇയര്‍ മുതല്‍ കാണാതായത്. ഗോവ പൊലീസും തലയോലപ്പറമ്ബ് പൊലീസും യുവാവിനായി അന്വേഷണം ആരംഭിച്ചിട്ടുണ്ട്. ഡിസംബര്‍ 29 നാണ് ഇവര്‍ വൈക്കത്ത് നിന്ന് സഞ്ജയും കൂട്ടുകാരും ഗോവക്ക് പോയത്.
ശേഷം 30ന് ഗോവയില്‍ എത്തിയ ഇവര്‍ 31 ന് ആഘോഷം ആരംഭിച്ചു. നേരത്തെ ബുക്ക് ചെയ്ത പ്രകാരം വാ കത്തൂര്‍ ബീച്ചിലായിരുന്നു ആഘോഷ പരിപാടികള്‍. എന്നാല്‍ ബീച്ചില്‍ വെച്ച്‌ കൂട്ടം തെറ്റിപ്പോയ സഞ്ജയെ പിന്നീട് കണ്ടെത്താൻ ആയില്ലെന്നാണ് സുഹൃത്തുക്കള്‍ പറയുന്നത്.
ഉടൻ തന്നെ ഗോവ പൊലീസിന് വിവരം കൈമാറിയെങ്കിലും കണ്ടെത്താൻ സാധിക്കാതെ വന്നതോടെ ബന്ധുക്കള്‍ തലയോലപ്പറമ്ബ് പൊലീസില്‍ പരാതി നല്‍കി. ഈ പരാതിയുടെ അടിസ്ഥാനത്തില്‍ തലയോലപ്പറമ്ബ് പൊലീസും ഗോവയിലേക്ക് തിരിച്ചു. സഞ്ജയുടെ ബന്ധുക്കളും ഗോവയില്‍ എത്തി തിരച്ചില്‍ നടത്തുകയാണ്