വര്‍ക്കല: 91ാമത് ശിവഗിരി തീര്‍ഥാടനത്തിന് വര്‍ക്കല ശിവഗിരിയില്‍ തുടക്കം. മുഖ്യമന്ത്രി പിണറായി വിജയൻ ഉദ്ഘാടനം ചെയ്തു. ശ്രീനാരായണ ധര്‍മസംഘം ട്രസ്റ്റ് പ്രസിഡന്റ് സ്വാമി സച്ചിതാനന്ദ അധ്യക്ഷത വഹിച്ചു. മന്ത്രി വി.എൻ. വാസവൻ, എസ്.എൻ.ഡി.പി യോഗം ജനറല്‍ സെക്രട്ടറി വെള്ളാപ്പള്ളി നടേശൻ, കോണ്‍ഗ്രസ് നേതാവ് രമേശ് ചെന്നിത്തല, വി. ജോയി എം.എല്‍.എ, വര്‍ക്കല കഹാര്‍, ഐ.എസ്.ആര്‍.ഒ ചെയര്‍മാൻ ഡോ.എസ്. സോമനാഥ്, നഗരസഭ ചെയര്‍മാൻ കെ.എം. ലാജി, റെയില്‍വേ പാസഞ്ചേഴ്സ് അമിനിറ്റീസ് കമ്മിറ്റി ചെയര്‍മാൻ പി.കെ. കൃഷ്ണദാസ്, ബ്ലോക്ക് പഞ്ചായത്ത് പ്രസിഡന്റ് സ്മിത സുന്ദരേശൻ, യു.എ.ഇ ഗുരുധര്‍മ പ്രചാരണസഭ മുഖ്യ രക്ഷാധികാരി ഡോ.കെ. സുധാകരൻ, യു.എ.ഇ സേവനം ചീഫ് കോഓഡിനേറ്റര്‍ അമ്ബലത്തറ രാജൻ, കോണ്‍ഫെഡറേഷൻ ഓഫ് ശ്രീനാരായണ ഗുരു ഓര്‍ഗനൈസേഷൻസ് ചെയര്‍മാൻ കെ.കെ. ശശിധരൻ, തീര്‍ഥാടന കമ്മിറ്റി ചെയര്‍മാനും പ്രവാസി വ്യവസായിയുമായ കെ.ജി. ബാബുരാജ്, തീര്‍ഥാടന കമ്മിറ്റി സെക്രട്ടറി സ്വാമി ഋതംഭരാനന്ദ, ധര്‍മസംഘം ട്രസ്റ്റ് ട്രഷറര്‍ സ്വാമി ശാരദാനന്ദ, സ്വാമി അവ്യയാനന്ദ എന്നിവര്‍ സംസാരിച്ചു. ശ്രീനാരായണ ധര്‍മസംഘം ട്രസ്റ്റ് ജനറല്‍ സെക്രട്ടറി സ്വാമി ശുഭാംഗാനന്ദ സ്വാഗതവും സ്വാമി വിശാലാനന്ദ നന്ദിയും പറഞ്ഞു.