തിരുവനന്തപുരം : ഹിന്ദുധർമ്മ പരിഷത്തിന്റെ ആഭിമുഖ്യത്തിൽ ജനുവരി 6 മുതൽ 12 വരെ തിരുവനന്തപുരത്ത് നടക്കുന്ന അനന്തപുരി ഹിന്ദു മഹാസമ്മേളന ത്തോടനുബന്ധിച്ച് സ്കൂൾ, കോളേജ് വിദ്യാർത്ഥികൾക്കായി വിവിധ മത്സരങ്ങൾ സംഘടിപ്പിക്കുമെന്ന് ജനറൽ കൺവീനർ വി. സുധകുമാർ വാർത്താ സമ്മേളനത്തിൽ അറിയിച്ചു.ചിത്രരചന മത്സരം , രാമായണവുമായി ബന്ധപ്പെട്ട വിഷയത്തിൽ ക്വിസ് മത്സരം , സ്വാമി വിവേകാനന്ദന്റെ ചിക്കാഗോ പ്രസംഗത്തെ ആധാരമാക്കിയുള്ള പ്രസംഗ മത്സരം എന്നിവയാണ് സംഘടിപ്പിക്കുന്നത്.
ഡിസംബർ 29 വെള്ളിയാഴ്ച രാവിലെ 9.30 മുതൽ ആയൂർവേദ കോളേജിന് സമീപം കുന്നുംപുറം ചിന്മയ സ്കൂളിൽ വച്ചാണ് മത്സരങ്ങൾ.രജിസ്ട്രേഷനുമായി ബന്ധപ്പെട്ട കൂടുതൽ വിവരങ്ങൾക്ക് 9447764289 എന്ന ഫോൺനമ്പരിൽ ബന്ധപ്പെടണം.പ്രോഗ്രാം കോ-ഓർഡിനേറ്റർ റോയി കൈലാസ്,പബ്ലിസിറ്റി കമ്മിറ്റി ചെയർമാൻ ആര്യനാട് സുഗതൻ,ഓർഗനൈസിംഗ് കമ്മിറ്റി സെക്രട്ടറിപി. എസ്.സരിൻ ശിവൻ എന്നിവരും വാർത്താ സമ്മേളനത്തിൽ പങ്കെടുത്തു.