പാലക്കാട്: കഞ്ചിക്കോട്ട് വീടിന് മുന്നില്‍ കളിച്ചുകൊണ്ടിരുന്ന മൂന്നുവയസുള്ള കുഞ്ഞിനെ തട്ടിക്കൊണ്ടുപോകാൻ ശ്രമം. സംഭവത്തില്‍ തമിഴ്നാട് സ്വദേശി സെന്തില്‍ കുമാറിനെ പോലീസ് അറസ്റ്റ് ചെയ്തു. ഇയാളെ കഞ്ചിക്കോട് റെയില്‍വെ സ്റ്റേഷനില്‍ വച്ച്‌ നാട്ടുകാര്‍ പിടികൂടി പോലീസില്‍ ഏല്‍പ്പിക്കുകയായിരുന്നു.
കുട്ടിയുമായി പോകുന്നതിനിടെ ചില ഓട്ടോറിക്ഷാ ഡ്രൈവര്‍മാര്‍ക്ക് തോന്നിയ സംശയമാണ് കുഞ്ഞിനെ കണ്ടെത്താൻ സഹായിച്ചത്. ഡ്രൈവര്‍മാര്‍ സെന്തില്‍കുമാറിനെ ചോദ്യം ചെയ്യുകയും മറുപടിയില്‍ വ്യക്തതയില്ലാതായതോടെ ഇവര്‍ പോലീസിനെ വിളിച്ചുവരുത്തുകയുമായിരുന്നു. തുടര്‍ന്ന് നടത്തിയ ചോദ്യചെയ്യലിലാണ് കുട്ടിയെ തട്ടിക്കൊണ്ടുപോയതാണെന്ന് വ്യക്തമായത്