കോഴിക്കോട്: ആനക്കൊമ്ബ് പിടികൂടിയ കേസില്‍ മൂന്നുപേര്‍കൂടി അറസ്റ്റില്‍. മലപ്പുറം നെല്ലിക്കുന്ന് നമ്ബൂരിപ്പെട്ടി വാലി വീട്ടില്‍ മോഹനദാസൻ (50), പാലപ്പറ്റ വീട്ടില്‍ അബ്ദുല്‍ മുനീര്‍ (43), വാരിക്കല്‍ കരുളായി കൊളപ്പറ്റ വീട്ടില്‍ ഹൈദര്‍ (60) എഎന്നിവരെയാണ് വെള്ളിയാഴ്ച പുലര്‍ച്ച അറസ്റ്റ് ചെയ്തത്.
നിലമ്ബൂര്‍ വനം വിജിലൻസിന്റെ നേതൃത്വത്തില്‍ പടുക്ക സ്റ്റേഷനിലെ ജീവനക്കാരുടെ സഹായത്തോടെയാണ് പ്രതികള്‍ പിടിയിലായത്. ആദിവാസിയായ ഹരിദാസനെ അന്വേഷണ സംഘം കസ്റ്റഡിയിലെടുത്തിട്ടുണ്ട്. വനത്തില്‍നിന്ന് ആനക്കൊമ്ബ് ലഭിച്ചത് ഇയാള്‍ക്കാണ് എന്നാണ് പ്രതികളുടെ മൊഴി.
കഴിഞ്ഞ ദിവസം ആനക്കൊമ്ബുകളുമായി മലപ്പുറം ചാപ്പനങ്ങാടി വലിയ പറമ്ബില്‍ മുഹമ്മദ്‌ അനസ്, കക്കോടി മോരിക്കര നെല്ലുവായല്‍ വളപ്പില്‍ ജിജീഷ് കുമാര്‍, താമരശ്ശേരി കാരാടി വടക്കേ കളത്തില്‍ ദീപേഷ്, ലക്ഷദ്വീപ് അമിനി ബലിയച്ചാട ചെറ്റ വീട് പൂക്കുഞ്ഞി, തിരുവണ്ണൂര്‍ പുതിയോട്ടില്‍ അബ്ദുസലീം എന്നിങ്ങനെ അഞ്ചുപേര്‍ കോഴിക്കോട് വനം വിജിലൻസ് വിഭാഗത്തിന്റെ പിടിയിലായിരുന്നു. ഇവരില്‍ നിന്നുള്ള വിവരത്തിന്റെ അടിസ്ഥാനത്തില്‍ നടത്തിയ അന്വേഷണത്തിലാണ് നാലുപേര്‍കൂടി പിടിയിലായത്.