അപർണ്ണയുടെ ശ്രദ്ധ പഴയ പെട്ടിയിൽ നിന്ന് ലഭിച്ച പ്രത്യേകതരം താക്കോലിലേക്കായി. അവൾ ആ താക്കോൽ സൂക്ഷ്മമായി പരിശോധിച്ചു. അതിൻ്റെ വലുപ്പം, രൂപകൽപ്പന, പിടിയുടെ അറ്റത്തുള്ള കൊത്തുപണികൾ എന്നിവയെല്ലാം അവർ ശ്രദ്ധിച്ചു. താക്കോലിന് നല്ല പഴക്കമുണ്ടായിരുന്നു അപർണ്ണ തൻ്റെ മൊബൈൽ ഫോണിൽ താക്കോലിൻ്റെ വ്യക്തമായ കുറച്ച് ചിത്രങ്ങളെടുത്തു. തുടർന്ന് അവൾ തൻ്റെ ഫോണിലെ ഗൂഗിൾ ലെൻസ് ആപ്ലിക്കേഷൻ തുറന്ന് ആ ചിത്രങ്ങൾ ഉപയോഗിച്ച് തിരയാൻ തുടങ്ങി. കുറച്ചു നിമിഷങ്ങൾക്കുള്ളിൽ സെർച്ച് റിസൾട്ടുകൾ സ്ക്രീനിൽ തെളിഞ്ഞു. ആദ്യത്തെ റിസൾട്ടുകൾ കണ്ടപ്പോൾ അപർണ്ണ ഞെട്ടിപ്പോയി. അവളുടെ കണ്ണുകൾ വിടർന്നു, ഒരു നിമിഷം അവൾക്ക് ശ്വാസമെടുക്കാൻ പോലും ബുദ്ധിമുട്ടനുഭവപ്പെട്ടു. സ്ക്രീനിൽ തെളിഞ്ഞ ചിത്രം അവൾ ഇപ്പോൾ കൈയ്യിൽ പിടിച്ചിരിക്കുന്ന താക്കോലിൻ്റേത് തന്നെയായിരുന്നു.  പക്ഷേ, അത് ഒരു സാധാരണ താക്കോലല്ലായിരുന്നു. സെർച്ച് റിസൾട്ടുകൾ ആ താക്കോലിനെക്കുറിച്ച് കൂടുതൽ വിവരങ്ങൾ നൽകി. അത് പൗരാണികമായ ഒരു രാജവംശത്തിൻ്റെ ചിഹ്നമുള്ള താക്കോലാണ്. ആ രാജവംശത്തിന് ഈ പ്രദേശവുമായി നൂറ്റാണ്ടുകൾ പഴക്കമുള്ള ബന്ധമുണ്ടായിരുന്നു. അവർ അവരുടെ വിലപ്പെട്ട നിധികളും രേഖകളും സൂക്ഷിക്കാൻ രഹസ്യ അറകൾ നിർമ്മിച്ചിരുന്നു, ഈ താക്കോൽ അത്തരമൊരു അറ തുറക്കുന്നതിനുള്ളതാണ് എന്നായിരുന്നു വിവരങ്ങൾ