വിനോദ് ഉടൻതന്നെ അപർണ്ണയെ ഫോണിൽ ബന്ധപ്പെട്ടു. "മേഡം, രശ്മിയെ സംശയിക്കാൻ ചില സാഹചര്യങ്ങളുണ്ട്.ആദിത്യ വർമ്മയുടെ മരണം കൊലപാതകമാണെന്നകാര്യം ഡിപ്പാർട്മെന്റിലെ നമ്മിൽ മാത്രം അറിയാവുന്ന രഹസ്യം രശ്മിക്ക് എങ്ങനെ അറിയാം. വീട്ടുകാരോടുപോലും അറ്റാക്ക് ആണെന്ന് പറഞ്ഞത്,അവർ അത് വിശ്വസിക്കുകയും ചെയ്തു കാരണം ഇതിനുമുന്പേ രണ്ടുതവണ അറ്റാക്ക് വന മനുഷ്യനാണ്  " അപർണ്ണ ശ്രദ്ധയോടെ അവൻ പറയുന്നത് കേട്ടു. "ശരിയാണ് വിനോദ്. എനിക്കും ചില സംശയങ്ങളുണ്ട്. നിങ്ങൾ ഉടൻതന്നെ രശ്മിയുടെ ഒരു ഫോട്ടോ എനിക്കയച്ചു തരൂ. ഞാൻ അതിൽ ചില മാറ്റങ്ങൾ വരുത്തി ശേഖരനെ കാണിക്കാം. ഒരുപക്ഷേ, മെർക്കുറിക് ക്ലോറൈഡ് ചോദിച്ച പെൺകുട്ടി രശ്മിയായിരിക്കാം." വിനോദ് ഉടൻതന്നെ രശ്മിയുടെ വ്യക്തമായ ഒരു ഫോട്ടോ അപർണ്ണയ്ക്ക് വാട്സ്ആപ്പ് ചെയ്തു. അപർണ്ണ ആ ഫോട്ടോ ഡൗൺലോഡ് ചെയ്ത് ഒരു ഫോട്ടോ എഡിറ്റിംഗ് ആപ്ലിക്കേഷൻ ഉപയോഗിച്ച് അതിൽ ചില മാറ്റങ്ങൾ വരുത്തി. അവൾ തലയിൽ ഒരു തൊപ്പിയും, മുഖത്ത് ഒരു മാസ്കും വെച്ച് ഫോട്ടോയെ ശേഖരൻ കണ്ട പെൺകുട്ടിയുടെ രൂപത്തിലേക്ക് മാറ്റാൻ ശ്രമിച്ചു.